နှုတ်ခမ်းသားမည်းခြင်းကို ထိရောက်စွာ ကုသပေးနိုင်မယ့် အိမ်တွင်းနည်းလမ်းကောင်းများ

နှုတ်ခမ်းသားမည်းခြင်းကို ထိရောက်စွာ ကုသပေးနိုင်မယ့် အိမ်တွင်းနည်းလမ်းကောင်းများ

ပန်းနုရောင်သမ်းတဲ့ နှုတ်ခမ်းကို အမျိုးသမီးတိုင်း အလိုရှိကြသလို အမျိုးသားတွေလည်း ကြိုက်နှစ်သက်ကြတာ မဆန်းပါဘူး ။ ကိုယ့်နှုတ်ခမ်းက မည်းနေတယ်ဆိုရင် ချို့ယွင်းချက်တစ်ခုသဖွယ် ဖြစ်နေမှာပါပဲ ။

နှုတ်ခမ်းမည်းရတဲ့ အဓိက အကြောင်းအရင်းတွေကတော့ နေရောင်ခြည်နဲ့တိုက်ရိုက်ထိတွေ့ခြင်း ၊ အရည်အသွေးနိမ့်သော နှုတ်ခမ်းနီများ သုံးခြင်း ၊ ဆေးလိပ်သောက်ခြင်း ၊ ကဖိန်းဓါတ်များခြင်ုးနှင့် ဟော်မုန်းညီညွတ်မှု မရှိခြင်းတို့ကြောင့် ဖြစ်ပါတယ် ။ နှုတ်ခမ်းကို သဘာဝအတိုင်း ပန်းနုရောင်သမ်းစေမယ့် နည်းလမ်းတွေထဲကမှ အချို့ကို ဖော်ပြပေးလိုက်ပါတယ် ။

သံပုယိုသီးအသုံးပြုနည်း

-    သံပုယိုသီးကို အရည်ညှစ်၍ နှုတ်ခမ်းပေါ်သို့ ညအိပ်ရာဝင်တိုင်း သုတ်လိမ်းပေးပါ ။ တစ်လ ၊ နှစ်လခန့်ကြည်သည်အထိ နေ့စဉ် ပုံမှန်ပြုလုပ်ပေးပါ ။
-    နောက်တစ်နည်းကတော့ သံပုယိုသီးကို ခပ်ပါးပါးလှီးပြီး သကြားတို့ကာ နှုတ်ခမ်းပေါ်ကို လိမ်းပေးပါ ။ ဤသို့ပြုလုပ်ခြင်းဖြင့် နှုတ်ခမ်းပေါ်ရှိ ဆဲလ်သေများကို ဖယ်ရှားပေးနိုင်ပြီး ညိုမည်းခြင်းကင်းကာ လှပစေမှာပါ။

သံလွင်ဆီအသုံးပြုနည်း

-    ညအိပ်ရာဝင်ခါနီးတိုင်း သံလွင်ဆီ တစ်စက် ၊နှစ်စက်ခန့်ကို နှုတ်ခမ်းပေါ်တင်ပြီး ညှင်သာစွာ နှိပ်နယ်ပေးပါ ။ နေ့စဉ် ပုံမှန် ပြုလုပ်ပေးခြင်းဖြင့် လှပသော နှုတ်ခမ်းသားကို ရရှိစေမှာပါ။
-    နောက်ထပ်နည်းလမ်းတစ်ခုကတော့ သံလွင်ဆီကို သကြားအနည်းငယ်ရော၍ နှုတ်ခမ်းကို scrub သဘောမျိုး ပြုလုပ်ပေးရမှာပါ ။ ပုံမှန် ပြုလုပ်မယ်ဆို ၁လ ၊ ၂လအတွင်း အကျိုးရလဒ်ကို မြင်တွေ့ရမှာပါ ။

သကြားအသုံးပြုနည်း

သကြားဟာ ဆဲလ်သေတွေကို ဖယ်ရှားပေးနိုင်တဲ့ အစွမ်းရှိပြီး သူ့ချည်းပဲ နှုတ်ခမ်းပေါ်ကို ပွတ်ပေးလျှင်လည်း နှုတ်ခမ်းသားကို မည်းခြင်းကင်းဝေးပြီး လှပေစေမှာပါ ။ ပိုပြီး အကျိုးကျေးဇူး ထူးချင်လျှင်တော့ အောက်ပါ နည်းလမ်း နှစ်ခုကို အသုံးပြုနိုင်ပါသည်။
-    သကြား ၃ဇွန်း ၊ ထောပတ် ၂ ဇွန်းခန့်ကို ရောနှောပြီး နှုတ်ခမ်းပေါ်သို့ ပွတ်တိုက်ပေးပါ ။ တစ်နေ့တစ်ကြိမ် ပုံမှန် ပြုလုပ်ပေးခြင်းဖြင့် ရက်သတ္တပါတ်ကြာတဲ့အခါမှာ နှုတ်ခမ်းအရောင် ပြောင်းလဲမှုကို တွေ့ရမှာပါ။
-    ပျားရည် ၁ဇွန်း ၊ သကြား ၁ဇွန်း ၊ဗာဒံစေ့ အဆီ အနည်းငယ်ခန့် ရောနှောပြီး နှုတ်ခမ်းသားကို scrub သဘောမျိုး ပွတ်တိုက်ပေးပါ ။ အနည်းဆုံး တစ်ပါတ်တစ်ကြိမ် ပြုလုပ်ပေးရမှာပါ။

သကြားသုံးတဲ့ နည်းလမ်းကို ရွေးချယ်သူများအတွက် သိစေချင်တာက သကြားကို အမှုန့်မသုံးဘဲ အစေ့ပုံ သကြားကိုသာ သုံးပါ။ သကြားမှုန့်သုံးရင် လွယ်လွယ်ကူကူ ပျော်သွားနိုင်လို့ပါ။

ဖိုးသူတော် (www.phothutaw.com)
Credit: (ရွှေအင်းလေး)